തിരുവനന്തപുരം: ലോക് ഡൗൺ കാലത്ത് ജനങ്ങൾക്കും കർഷകർക്കും സഹായമായി വട്ടിയൂർക്കാവിൽ വിഷു വിപണി ആരംഭിച്ചു. മണ്ഡലത്തിലെ കർഷകര്‍ ഉല്‍പാദിപ്പിച്ച വിളകളും വെള്ളായണിയിൽ നിന്നുള്ള ഉല്‍പന്നങ്ങളുമെത്തിച്ചാണ് എംഎൽഎ വി.കെ.പ്രശാന്തിന്‍റെ നേതൃത്വത്തിൽ ശാസ്‌തമംഗലത്തെ എംഎൽഎ ഓഫീസിന് സമീപം വിപണി സജ്ജമാക്കിയത്. ക്ഷാമം നേരിടുന്ന കണി വെള്ളരിയുൾപ്പെടെയുള്ള ജൈവ പച്ചക്കറികൾ വാങ്ങാൻ നിരവധി പേര്‍ എത്തി. കൊവിഡ് ജാഗ്രതാ നടപടിക്രമങ്ങൾ പാലിച്ചായിരുന്നു വില്‍പന.
കൊവിഡ് നിര്‍ദേശങ്ങൾ പാലിച്ച് വട്ടിയൂര്‍ക്കാവില്‍ വിഷു വിപണി