വലിയതുറ പാലത്തിന് ചരിവ് ; തൂണുകൾ താഴ്ന്ന നിലയില്‍

പാലത്തിൻ്റെ തൂണുകളിൽ വിള്ളലുകൾ കണ്ടെത്തി.

തിരുവനന്തപുരം: വലിയതുറ പാലത്തിന് ചരിവ്. തൂണുകളിൽ വിള്ളലുകള്‍ കണ്ടെത്തി. പാലത്തിലേക്ക് പ്രവേശിക്കുന്ന ഭാഗത്ത് 20 മീറ്ററോളം ദൂരത്തിൽ തൂണുകൾ താഴ്ന്ന് പാലം ചരിഞ്ഞ നിലയിലാണിപ്പോൾ. ശക്തമായി തുടരുന്ന മഴയിലും കനത്ത തിരയിലും തൂണുകൾക്കുണ്ടായ ബലക്ഷയമാണ് കാരണമെന്നാണ് നിഗമനം. പ്രവേശനം നിരോധിച്ച് പാലം അടച്ചിട്ടിരിക്കുകയാണ്.

സംസ്ഥാനത്തെ മധ്യ വടക്കന്‍ ജില്ലകളില്‍ ശക്തമായ മഴയും കാറ്റും തുടരുകയാണ്. അഞ്ച് വടക്കന്‍ ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. കാസര്‍കോട്, കണ്ണൂര്‍, വയനാട്, കോഴിക്കോട്, മലപ്പുറം ജില്ലകളിലാണ് ചുവപ്പ് ജാഗ്രത.