തിരുവനന്തപുരം : സ്‌പീക്കറുടെ ചേംബര്‍ അടക്കം അടിച്ചുതകർക്കാൻ നേതൃത്വം കൊടുത്ത തറ ഗുണ്ടയാണ് കേരളത്തിൻ്റെ വിദ്യാഭ്യാസ മന്ത്രിയെന്ന് കെപിസിസി പ്രസിഡന്‍റ് കെ. സുധാകരൻ എംപി.
മന്ത്രി വി.ശിവൻകുട്ടിയുടെ രാജി ആവശ്യപ്പെട്ട് യുഡിഎഫ് സംഘടിപ്പിച്ച പ്രതിഷേധ ധർണ നേമം മണ്ഡലത്തിൽ ഉദ്ഘാടനം ചെയ്യുകയായിരുന്നു അദ്ദേഹം. വി. ശിവൻകുട്ടിക്ക് ചേർന്നത് ഗുണ്ടാ പട്ടമാണ്.
'വിദ്യാഭ്യാസ മന്ത്രിക്ക് ചേർന്നത് ഗുണ്ടാ പട്ടം' ; പിണറായി മറ്റൊരു ശിവൻകുട്ടിയെന്നും കെ. സുധാകരൻ
ആഭാസത്തരം മാത്രമാണ് ശിവൻകുട്ടിയുടെ കൈമുതൽ. സംസ്‌കാര സമ്പന്നമായ കേരളത്തിന് ഇത് ഉൾക്കൊള്ളാൻ സാധിക്കില്ല. എന്നാൽ പിണറായി വിജയന് സാധിക്കും. പിണറായി മറ്റൊരു മാഫിയയും മറ്റൊരു ശിവൻകുട്ടിയുമാണെന്നും അദ്ദേഹം ആരോപിച്ചു.