യുഡിഎഫ് പ്രകടന പത്രിക ഇന്ന് പ്രകാശനം ചെയ്യും

രാവിലെ 11 മണിക്ക് പ്രതിപക്ഷ നേതാവ് രമേശ് ചെന്നിത്തല അടക്കമുള്ള യു ഡി എഫ് നേതാക്കൾ ചേർന്ന് പ്രകടനപത്രിക പ്രകാശനം ചെയ്യും

തിരുവനന്തപുരം: യുഡിഎഫിന്‍റെ തെരഞ്ഞെടുപ്പ് പ്രകടന പത്രിക ഇന്ന് പ്രകാശനം ചെയ്യും. ന്യായ് പദ്ധതി, ആചാര സംരക്ഷണത്തിന് നിയമനിർമ്മാണം ഉൾപ്പടെയുള്ള പ്രഖ്യാപനങ്ങൾ ഉണ്ടാകും. പ്രകടന പത്രികയിലേക്ക് അഭിപ്രായങ്ങൾ തേടാൻ ശശി തരൂരിന്‍റെ നേതൃത്വത്തിൽ സംസ്ഥാനത്തിന്‍റെ വിവിധ ഭാഗങ്ങളില്‍ ജനങ്ങളുമായി നേരിട്ട് സംവദിക്കുന്നതുള്‍പ്പടെയുള്ള പ്രത്യേക പരിപാടികൾ സംഘടിപ്പിച്ചിരുന്നു. ഇങ്ങനെ ലഭിച്ച നിർദേശങ്ങളും ഉണ്ടാകും. ജനകീയ പത്രിക ആയിരിക്കുമെന്ന് യുഡിഎഫ് കൺവീനർ എം.എം.ഹസൻ പറഞ്ഞു. രാവിലെ 11 മണിക്ക് പ്രതിപക്ഷ നേതാവ് രമേശ് ചെന്നിത്തല അടക്കമുള്ള യുഡിഎഫ് നേതാക്കൾ ചേർന്ന് പ്രകടനപത്രിക പ്രകാശനം ചെയ്യും.