'ഏത് അന്വേഷണത്തെയും സ്വാഗതം ചെയ്യുന്നു' ; സാബു ജേക്കബിനെതിരെ നിയമനടപടി സ്വീകരിക്കുമെന്ന് പി.വി ശ്രീനിജന്‍

തന്‍റെ ഫോണ്‍ പരിശോധനയ്ക്ക് നല്‍കാന്‍ തയാറാണെന്ന് പി.വി ശ്രീനിജൻ എംഎൽഎ

തിരുവനന്തപുരം : ട്വന്‍റി ട്വന്‍റി പ്രവര്‍ത്തകൻ ദീപുവിന്‍റെ മരണത്തില്‍ ഏത് അന്വേഷണത്തെയും സ്വാഗതം ചെയ്യുന്നുവെന്ന് പി.വി ശ്രീനിജന്‍ എംഎല്‍എ. സത്യം പുറത്തുവരണം. തന്‍റെ ഫോണ്‍ പരിശോധനയ്ക്ക് നല്‍കാന്‍ തയാറാണെന്നും പി.വി ശ്രീനിജൻ പറഞ്ഞു.

ദീപുവിന്‍റെ മരണം രാഷ്ട്രീയ ലക്ഷ്യത്തിനായാണ് സാബു ജേക്കബ് ഉപയോഗിക്കുന്നത്. തന്നെ പ്രതിയാക്കാന്‍ ഗൂഢാലോചന നടത്തുകയാണ്. വ്യക്തിപരമായ ആക്ഷേപങ്ങള്‍ക്കെതിരെ സാബു ജേക്കബിനെതിരെ നിയമനടപടി സ്വീകരിക്കുമെന്നും ശ്രീനിജന്‍ പറഞ്ഞു.

നേരത്തെ ദീപുവിന്‍റെ കൊലപാതകം ആസൂത്രിതമാണെന്നും സംഭവത്തിൽ കുന്നത്ത് നാട് എംഎൽഎ പി.വി ശ്രീനിജന് പങ്കുണ്ടെന്നും ട്വന്‍റി ട്വന്‍റിയുടെ ചീഫ് കോ - ഓർഡിനേറ്റർ സാബു എം.ജേക്കബ് ആരോപിച്ചിരുന്നു.