തിരുവനന്തപുരം: മൂല്യവർധിത നികുതി കുടിശിക ഈടാക്കുന്നത് സംബന്ധിച്ച് തല്‍ക്കാലം തുടർ നടപടികൾ ഉണ്ടാകില്ലെന്ന് ധനമന്ത്രി തോമസ് ഐസക്. ഇതുമായി ബന്ധപ്പെട്ട് നിയമവകുപ്പുമായി ചർച്ച ചെയ്‌ത ശേഷമാകും തീരുമാനമെന്നും മന്ത്രി നിയമസഭയിൽ പറഞ്ഞു. വാറ്റ് നികുതി കുടിശിക ഈടാക്കുന്നതിനെതിരെ വ്യാപാരികളിൽ നിന്നും വ്യാപക പ്രതിഷേധം ഉയർന്നതോടെയാണ് തുടർ നടപടികൾ ഉടന്‍ വേണ്ടെന്ന് ധനവകുപ്പ് തീരുമാനിച്ചത്. വ്യാപാരികളുടെ പ്രശ്‌നങ്ങൾ ഒഴിവാക്കുന്നതിനുള്ള നടപടികൾ സ്വീകരിക്കുമെന്നും തോമസ് ഐസക് വ്യക്തമാക്കി.
വാറ്റ് നികുതി കുടിശിക: തുടർ നടപടികൾ ഉണ്ടാകില്ലെന്ന് ഉടന്‍ ഉണ്ടാകില്ലെന്ന് ധനമന്ത്രി