നെടുമങ്ങാട് വീടിൻ്റെ ചുമർ ഇടിഞ്ഞു ; ഒരാള്‍ക്ക് പരിക്ക്

വീടിന്‍റെ പുറകുവശത്തെ മൺതിട്ടയും, കല്ലുകളും വീട്ടിൽ പതിച്ച് ചുമർ തകർന്നാണ് അപകടം

തിരുവനന്തപുരം : നെടുമങ്ങാട് മണ്ണിടിച്ചിലിനെ തുടര്‍ന്ന് വീടുതകർന്ന് ഒരാൾക്ക് പരിക്ക്. പനയുട്ടം സ്വദേശി പരമേശ്വര പിള്ളയുടെ വീടാണ് തകർന്നത്. പുലർച്ചെയാണ് സംഭവം. പരമേശ്വര പിള്ളയുടെ മകൻ ദീപുവിനാണ് പരിക്ക് പറ്റിയത്. പുറകുവശത്തെ മൺതിട്ടയും, കല്ലുകളും വീടിനുമേല്‍ പതിച്ച് ചുമർ തകർന്നാണ് അപകടം.

വീടിനുള്ളില്‍ ഉറങ്ങിക്കിടക്കുകയായിരുന്ന ദീപുവിന്‍റെ ശരീരത്തിൽ ചുമര്‍ പതിക്കുകയായിരുന്നു. പരിക്കേറ്റ ഇയാളെ ആശുപത്രിയിൽ എത്തിച്ച് ചികിത്സ നൽകി. പഞ്ചായത്തിൽ നിന്ന് ലഭിച്ചതാണ് വീട്. ആറുപേരാണ് വീട്ടിൽ ഉണ്ടായിരുന്നത്. മഴകനത്താൽ കൂടുതൽ അപകടാവസ്ഥയിലാണ് വീട്.