പാര്‍ട്ടി തീരുമാനിച്ചാല്‍ സ്ഥാനാർഥിയാകുമെന്ന് വി.കെ പ്രശാന്ത്

വട്ടിയൂര്‍ക്കാവ് നിയോജകമണ്ഡലത്തിലെ സ്ഥാനാർഥിയാകാൻ തിരുവനന്തപുരം നഗരസഭാ മേയര്‍. പാര്‍ട്ടിയുടെ തീരുമാനം അനുസരിച്ച് പ്രവർത്തിക്കുമെന്നും വി.കെ പ്രശാന്ത്.

തിരുവനന്തപുരം: വട്ടിയൂര്‍ക്കാവ് ഉപതെരഞ്ഞെടുപ്പില്‍ പാര്‍ട്ടി തീരുമാനിച്ചാല്‍ മത്സരിക്കാന്‍ സന്നദ്ധനാണെന്ന് മേയര്‍ വി.കെ പ്രശാന്ത്. പാര്‍ട്ടിയുടെ തീരുമാനം അനുസരിച്ച് മുന്നോട്ട് പോകും. സ്ഥാനാർഥിത്വം സംബന്ധിച്ച് മാധ്യമങ്ങളിൽ നിന്നുള്ള അറിവേയുള്ളൂവെന്നും അദ്ദേഹം പറഞ്ഞു.
പാര്‍ട്ടി നേതൃത്വമാകും തീരുമാനമെടുക്കുക. നിലവിലെ രാഷ്‌ട്രീയ സ്ഥിതി ഇടതു മുന്നണിയ്ക്ക് ജയസാധ്യത നൽകുന്നു. കഴിഞ്ഞ നിയമസഭാ തെരഞ്ഞടുപ്പിൽ വട്ടിയൂര്‍ക്കാവിലുണ്ടായ വീഴ്‌ചകള്‍ മാറ്റി നല്ല രീതിയിലുള്ള പ്രവര്‍ത്തനമാണ് നിലവിലുള്ളതെന്നും വി.കെ പ്രശാന്ത് പറഞ്ഞു.