തിരുവനന്തപുരം:എകെജി സെന്‍ററിലെ എല്‍കെജി കുട്ടിയെന്ന ബിജെപി കൗണ്‍സിലറുടെ പരാമര്‍ശത്തില്‍ പൊട്ടിത്തെറിച്ച് തിരുവനന്തപുരം മേയര്‍ ആര്യ രാജേന്ദ്രന്‍. ആരും ഓടിളക്കി വന്നവരല്ലെന്നും തന്‍റെ പക്വത അളക്കാന്‍ വരേണ്ടെന്നുമായിരുന്നു മേയറുടെ മറുപടി. കൗണ്‍സില്‍ യോഗം നടക്കുന്നതിനിടയിലായിരുന്നു മേയര്‍ ബിജെപിക്ക് മറുപടി നല്‍കിയത്.
ആറ്റുകാല്‍ പൊങ്കാലയുമായി ബന്ധപ്പെട്ട ശുചീകരണ വിവാദം ചര്‍ച്ച ചെയ്യാന്‍ ചേര്‍ന്ന യോഗത്തില്‍ മേയറുടെ അനുഭവസമ്പത്തും പ്രായവും പരാമര്‍ശിക്കപ്പെട്ടതാണ് ആര്യയെ ചൊടിപ്പിച്ചത്. നേരത്തെ നഗരസഭയുടെ ഹിറ്റാച്ചികള്‍ കാണുന്നില്ലെന്ന് ബിജെപി കൗണ്‍സിലര്‍ കരമന അജിത്ത് ആരോപണം ഉന്നയിച്ചിരുന്നു.