തിരുവനന്തപുരം: സ്കൂൾ കുട്ടികളും വിദ്യാഭ്യാസ സ്ഥാപനങ്ങളും കേന്ദ്രീകരിച്ച് കഞ്ചാവ് വിൽപന നടത്തുന്ന സംഘത്തിലെ രണ്ട് പേർ പിടിയിൽ. അഞ്ചരകിലോ കഞ്ചാവുമായി കുടയാൽ മുള്ളലുവിള അഭയാലയം വീട്ടിൽ ലിനു എന്ന അഭയൻ (21), അഞ്ചുമരങ്കാല കുഴിവിള പുത്തൻവീട്ടിൽ വിശാഖ് (25) എന്നിവരെയാണ് കാട്ടാക്കട എക്സൈസ് സംഘം പിടികൂടിയത്. ഒറ്റശേഖരമംഗലം ജനാർദനപുരം എച്ച്എസ്എസിന് സമീപത്തുനിന്നാണ് ഇവരെ പിടികൂടിയത്. കാട്ടാക്കട എക്സൈസ് ഇൻസ്പെക്ടർ ബിആർ സ്വരൂപിന് ലഭിച്ച രഹസ്യ വിവരത്തിന്‍റെ അടിസ്ഥാനത്തിലാണ് അറസ്റ്റ്.
കഞ്ചാവുമായി രണ്ട് പേർ പിടിയിൽ