തിരുവനന്തപുരം:ബലാത്സംഗ കേസില്‍ പ്രതിയായ എല്‍ദോസ് കുന്നപ്പിള്ളി എംഎല്‍എയെ ലൈംഗിക ശേഷി പരിശോധനയ്‌ക്ക് വിധേയനാക്കി ക്രൈംബ്രാഞ്ച്. കോടതി മുന്‍കൂര്‍ ജാമ്യം അനുവദിച്ചുളള ഉത്തരവിന്‍റെ അടിസ്ഥാനത്തില്‍ ഇന്ന് എംഎല്‍എ ക്രൈംബ്രാഞ്ചിന് മുന്‍പില്‍ ചോദ്യം ചെയ്യലിന് ഹാജരായിരുന്നു. ശേഷമാണ്, തിരുവനന്തപുരം ജനറല്‍ ആശുപത്രിയില്‍ എത്തിച്ച് ലൈംഗികശേഷി പരിശോധന നടത്തിയത്.
എല്‍ദോസ് കുന്നപ്പിള്ളിയെ കോവളത്ത് തെളിവെടുപ്പിനെത്തിച്ച് ക്രൈംബ്രാഞ്ച്
സോമതീരം റിസോര്‍ട്ടില്‍ തെളിവെടുപ്പ്:എംഎല്‍എ മര്‍ദിച്ചുവെന്ന് ആരോപിച്ച കോവളത്തിന്‍റെ വിവിധ ഇടങ്ങളിലെത്തിച്ച് തെളിവെടുപ്പ് നടത്തി. കോവളം ഗസ്റ്റ് ഹൗസിലും സൂയിസൈഡ് പോയിന്‍റിലുമെത്തിച്ചാണ് തെളിവെടുപ്പ് നടത്തിയത്. ലൈംഗികമായി പീഡിപ്പിച്ചുവെന്ന് പരാതിയില്‍ പറയുന്ന സോമതീരം റിസോര്‍ട്ടിലും തെളിവെടുപ്പ് നടത്തി.