ശബരിമല പ്രചാരണ വിഷയം; ഇപ്പോൾ പ്രതികരിക്കുന്നില്ലെന്ന് ടിക്കാറാം മീണ

മാതൃക പെരുമാറ്റച്ചട്ടം ഇപ്പോഴും നിലവിലുണ്ട്. അത് ലംഘിച്ചാൽ നടപടിയുണ്ടാകുമെന്നും മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ കൂട്ടിച്ചേർത്തു

തിരുവനന്തപുരം: ശബരിമല പ്രചാരണ വിഷയമാക്കുന്നതിനെക്കുറിച്ച് ഇപ്പോൾ പ്രതികരിക്കുന്നില്ലെന്ന് മുഖ്യതെരഞ്ഞെടുപ്പ് ഓഫീസർ ടിക്കാറാം മീണ. മാതൃക പെരുമാറ്റച്ചട്ടം ഇപ്പോഴും നിലവിലുണ്ട്. അത് ലംഘിച്ചാൽ നടപടിയുണ്ടാകുമെന്നും ടിക്കാറാം മീണ കൂട്ടിച്ചേർത്തു.

വട്ടിയൂര്‍ക്കാവ് നിയോജക മണ്ഡലത്തിലെ ഉപതെരഞ്ഞെടുപ്പ് പ്രവര്‍ത്തനങ്ങളില്‍ അതൃപ്‌തി അറിയിച്ച് ടിക്കാറാം മീണ തിരുവനന്തപുരം ജില്ലാ കലക്‌ടര്‍ കെ. ഗോപാലകൃഷ്‌ണനോട് വിശദീകരണം തേടിയിരുന്നു. റിപ്പോര്‍ട്ട് ലഭിച്ച ശേഷം ഇക്കാര്യത്തില്‍ തീരുമാനമെടുക്കുമെന്നും മുഖ്യ തെരഞ്ഞെടുപ്പ് ഓഫീസർ പറഞ്ഞു.