തിരുവനന്തപുരം:ശമ്പളം ലഭിക്കാത്തതിനെ തുടര്‍ന്ന് വിഷു ദിനത്തിലും സമരം ശക്തമാക്കാനൊരുങ്ങുകയാണ് തൊഴിലാളി യൂണിയനുകള്‍. വിഷയം ചര്‍ച്ച ചെയ്യാൻ കോണ്‍ഗ്രസ് അനുകൂല സംഘടന വെള്ളിയാഴ്‌ച യോഗം ചേരും. സി ഐ ടി യു ആരംഭിച്ച റിലേ സത്യഗ്രഹവും തുടരുന്നുണ്ട്.
കൂടാതെ ഏപ്രില്‍ 28ന് സി.ഐ.ടി.യുവും ബി.എം.എസും സൂചന പണിമുടക്കും പ്രഖ്യാപിച്ചിട്ടുണ്ട്. എല്ലാ മാസവും അഞ്ചാം തിയതിയെങ്കിലും ശമ്പളം ലഭ്യമാക്കണമെന്നാണ് ജീവനക്കാരുടെ ആവശ്യം. ജീവനക്കാര്‍ക്ക് ശമ്പളം നല്‍കുന്നതിന് 84 കോടി രൂപയാണ് വേണ്ടത്.