ഐ.എസ്.ഒ നവീകരണത്തിൻ്റെ പേരിൽ നെഹ്റു ശിലാഫലകം പൊളിച്ചുനീക്കി

പോത്തൻകോട് ബ്ലോക്ക് പഞ്ചായത്ത് ഓഫീസിന് മുന്നിൽ സ്ഥാപിച്ചിരുന്ന നെഹ്റു ശിലാഫലകം ബ്ലോക്ക് പഞ്ചായത്ത് ഭരണസമിതി പൊളിച്ചുനീക്കി

തിരുവനന്തപുരം: ജവഹർലാൽ നെഹ്റുവിൻ്റെ സ്മരണാർഥം പോത്തൻകോട് ബ്ലോക്ക് പഞ്ചായത്ത് ഓഫീസിന് മുന്നിൽ സ്ഥാപിച്ചിരുന്ന നെഹ്റു ശിലാഫലകം ബ്ലോക്ക് പഞ്ചായത്ത് ഭരണസമിതി പൊളിച്ചുനീക്കി. ബ്ലോക്ക് പഞ്ചായത്തിന് ഐ.എസ്.ഒ സർട്ടിഫിക്കറ്റ് നേടിയതുമായി ബന്ധപ്പെട്ട നവീകരണ പ്രവർത്തനങ്ങൾക്കിടയിലാണ് മണ്ഡപം പൊളിച്ചുമാറ്റിയത്. 1962 ത്തിലാണ് ബ്ലോക്ക് പഞ്ചായത്ത് ഓഫീസ് നിർമ്മാണത്തോടനുബന്ധിച്ച് നെഹ്റു സ്മൃതി മണ്ഡപം സ്ഥാപിച്ചത്. ശിലാഫലകം യഥാസ്ഥാനത്ത് പുനസ്ഥാപിക്കണമെന്ന് ആവശ്യപ്പെട്ടുകൊണ്ട് യുഡിഎഫ് അംഗങ്ങൾ പോത്തൻകോട് ബ്ലോക്ക് പഞ്ചായത്തിനു മുന്നിൽ സത്യാഗ്രഹം നടത്തി. സത്യാഗ്രഹ സമരം കെപിസിസി നിർവാഹഹ സമിതി അംഗം എം.എ ലത്തീഫ് ഉദ്ഘാടനം ചെയ്‌തു.