തിരുവനന്തപുരം: വിദ്യാഭ്യാസ വകുപ്പിൽ നിയമനം നൽകി എന്ന നിലയിൽ സർക്കാർ വെബ്സൈറ്റിൽ പേര് പ്രസിദ്ധീകരിച്ചിട്ടുള്ള ആർക്കും നിയമനം ലഭിച്ചിട്ടില്ലെന്ന് ഉദ്യോഗാർഥികൾ. പി എസ് സി നിയമന ശുപാർശ ലഭിച്ചിട്ടും സ്കൂൾ തുറക്കാത്തതിനാൽ ജോലിയിൽ പ്രവേശിക്കാൻ സാധിക്കാത്ത 1632 പേർക്ക് നൂറുദിന കർമ്മ പരിപാടിയിൽ ഉൾപ്പെടുത്തി നിയമനം നൽകുമെന്ന് മുഖ്യമന്ത്രി പ്രഖ്യാപിച്ചിരുന്നു. പിന്നീട് ഇവർക്ക് നിയമനം നൽകിയതായി സർക്കാർ ഔദ്യോഗിക വെബ്സൈറ്റിൽ പ്രസിദ്ധീകരിച്ചു. എന്നാൽ ഒരാൾക്ക് പോലും നിയമനം നൽകിയില്ലെന്ന് ഉദ്യോഗാർഥികൾ പറഞ്ഞു.
വിദ്യാഭ്യാസ വകുപ്പിൽ നിയമനം നൽകിയെന്ന് സർക്കാർ; ആർക്കും നിയമനം ലഭിച്ചില്ലെന്ന് ഉദ്യോഗാർഥികൾ