തിരുവനന്തപുരം: തമിഴ്‌നാട് പൊലീസിലെ എഎസ്‌ഐ വില്‍സണിനെ വെടിവെച്ചുകൊന്ന കേസിലെ പ്രതികളായ അബ്‌ദുല്‍ ഷമീം, തഫീക്ക് എന്നിവര്‍ക്കായി അന്വേഷണം ഊര്‍ജിതമാക്കി കേരള പൊലീസ്. കുറ്റകൃത്യത്തിന് ശേഷം പ്രതികള്‍ കേരളത്തിലേക്ക് കടന്നുവെന്നാണ് തമിഴ്‌നാട് ക്യൂബ്രാഞ്ച് നല്‍കിയ വിവരം. ഇതിന്‍റെ അടിസ്ഥാനത്തിലാണ് പൊലീസ് അന്വേഷണം നടത്തുന്നത്.
കളിയിക്കാവിള കൊലപാതകം; അന്വേഷണം ഊര്‍ജിതമാക്കി കേരള പൊലീസ്
കുറ്റകൃത്യത്തിന് ശേഷം പ്രതികള്‍ കേരളത്തിലേക്ക് കടന്നുവെന്നാണ് തമിഴ്‌നാട് ക്യൂബ്രാഞ്ച് നല്‍കിയ വിവരം.
കളിയിക്കാവിള കൊലപാതകം; അന്വേഷണം ഊര്‍ജിതമാക്കി കേരള പൊലീസ്
കേസന്വേഷണത്തിനായി പ്രത്യേക സംഘം രൂപീകരിച്ചിട്ടുണ്ട്. പ്രതികള്‍ക്കായി ലുക്കൗട്ട് നോട്ടീസ് പുറപ്പെടുവിച്ചിട്ടുണ്ട്. എല്ലാ വിമാനത്താവളങ്ങളിലും പ്രതികളുടെ ലുക്കൗട്ട് നോട്ടീസ് പതിച്ചിട്ടുണ്ട്. പ്രതികളുമായി ബന്ധമുള്ള മൂന്ന് പേരെ പൊലീസ് കസ്റ്റഡിയിലെടുത്തിട്ടുണ്ട്.
മുമ്പ് ഇരുപ്രതികളും ജയിലില്‍ കഴിഞ്ഞപ്പോഴുണ്ടായിരുന്ന സഹതടവുകാരെ വിശദമായി ചോദ്യം ചെയ്‌തിരുന്നു. എത്രയും വേഗം പ്രതികളെ കണ്ടെത്താനാണ് അന്വേഷണ സംഘത്തിന്‍റെ ശ്രമം. പ്രതികള്‍ക്ക് കേരളത്തില്‍ നിന്ന് എന്തെങ്കിലും സഹായം കിട്ടുന്നുണ്ടോ എന്ന കാര്യം സംഘം അന്വേഷിക്കും. നാലംഗസംഘമാണ് കൊലപാതകത്തിന് പിന്നിലെന്നാണ് പൊലീസ് നിഗമനം. നാലംഗസംഘം കാറിലെത്തുകയും രണ്ട് പേര്‍ കൃത്യം നടത്തിയ ശേഷം സമീപത്തെ പള്ളിയില്‍ കയറി, പുറകുവശത്ത് കൂടി കാറില്‍ രക്ഷപ്പെടുകയും ചെയ്‌തുവെന്നാണ് പൊലീസിന് ലഭിച്ച വിവരം.