തിരുവനന്തപുരം:പോപ്പുലർ ഫ്രണ്ട് ഓഫ് ഇന്ത്യയെ നിരോധിച്ച കേന്ദ്രസര്‍ക്കാര്‍ ഉത്തരവിന്‍റെ അടിസ്ഥാനത്തിൽ തുടർ നടപടിക്ക് ഉത്തരവിറക്കി സംസ്ഥാന സർക്കാർ. കേന്ദ്ര വിജ്ഞാപനവും തുടർ നിർദേശങ്ങളും ഇന്നലെ (28.09.22) സർക്കാരിന് ലഭിച്ചിരുന്നു. ഇതിൻ്റെ അടിസ്ഥാനത്തിൽ ആഭ്യന്തര വകുപ്പ് യോഗം ചേർന്ന ശേഷമാണ് ഉത്തരവിറക്കിയിരിക്കുന്നത്.
ഇന്നലത്തെ തീയതില്‍ ആഭ്യന്തര വകുപ്പാണ് ഉത്തരവ് പുറത്തിറക്കിയിരിക്കുന്നത്. ആഭ്യന്തര വകുപ്പ് നൽകിയ ഫയിലിൽ ഇന്ന് മുഖ്യമന്ത്രി ഒപ്പു വച്ചു. പോപ്പുലർ ഫ്രണ്ട് ഓഫ് ഇന്ത്യയുടെ ഓഫിസുകൾ സീൽ ചെയ്യുന്നതടക്കമുളള തുടർ നടപടികൾ ആരംഭിക്കാനാണ് പൊലീസിന് നിർദേശം. ജില്ല കലക്‌ടർമാർക്കും എസ്‌.പിമാർക്കുമാണ് നിർദേശം നൽകിയിരിക്കുന്നത്. 1967-ലെ യുഎപിഎ നിയമപ്രകാരമാണ് ഉത്തരവിറക്കിയിരിക്കുന്നത്. നേതാക്കന്മാരുടെ ബാങ്ക് അക്കൗണ്ടുകള്‍ മരവിപ്പിക്കുകയും ചെയ്യും.