'തല'യിലെ 'മുല്ലു'വായി പകര്‍ന്നാടി പുരസ്‌കാര നേട്ടം ; സ്നേഹ അനുവിലൂടെ അഭിമാന നിറവില്‍ രാജാജി നഗർ കോളനിയും

ഖയസ് മിലൻ സംവിധാനം ചെയ്‌ത 'തല' എന്ന ചിത്രത്തിലെ അഭിനയ മികവിനാണ് സ്നേഹയ്ക്ക് പുരസ്‌കാരം

തിരുവനന്തപുരം :മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്‌കാരം നേടിയ സ്നേഹ അനുവാണ് ഇപ്പോൾ രാജാജി നഗർ കോളനിയിലെ താരം. ആദ്യമായാണ് രാജാജി നഗർ കോളനിയിലേക്ക് സംസ്ഥാന ചലച്ചിത്ര പുരസ്‌കാരമെത്തുന്നത്. കോട്ടൺഹിൽ ഗേൾസ് ഹയർ സെക്കന്‍ററി സ്‌കൂളിലെ ഒൻപതാം ക്ലാസ് വിദ്യാർഥിനിയാണ് സ്നേഹ.

സ്‌കൂൾ പ്രവേശനോത്സവത്തിൽ ഗംഭീര വരവേൽപ്പാണ് സ്നേഹയ്ക്ക് ലഭിച്ചത്. ഖയസ് മിലൻ സംവിധാനം ചെയ്‌ത 'തല' എന്ന ചിത്രത്തിലെ അഭിനയ മികവിനാണ് സ്നേഹയ്ക്ക് പുരസ്‌കാരം ലഭിച്ചത്. സ്നേഹ അനു ഇ ടി.വി ഭാരതിനോട് അനുഭവങ്ങള്‍ പങ്കുവെയ്ക്കുന്നു.