Shortage Of Engineers local Self-Government Departments 'തദ്ദേശ സ്വയംഭരണ വകുപ്പുകളിൽ എഞ്ചിനീയർമാരുടെ കുറവ്, പരിഹരിക്കാൻ ബദൽ സംവിധാനം'

Minister MB Rajesh talks about Shortage of engineers : തദ്ദേശസ്ഥാപനങ്ങളിലെ ജീവനക്കാരുടെ കുറവ് നികത്താൻ നടപടി. നിയമസഭയിൽ ചോദ്യോത്തരവേളയിൽ എപി അനിൽ കുമാർ എംഎൽഎ ഉന്നയിച്ച കാര്യങ്ങൾക്ക് മന്ത്രി എം ബി രാജേഷ് മറുപടി നൽകിയപ്പോഴാണ് ഇക്കാര്യം വ്യക്തമാക്കിയത്.

തിരുവനന്തപുരം : തദ്ദേശ സ്വയംഭരണ സ്ഥാപനങ്ങളിൽ എഞ്ചിനീയർമാരുടെ കുറവുണ്ടെന്ന് മന്ത്രി എം ബി രാജേഷ്. നിയമസഭയിൽ ചോദ്യോത്തരവേളയിൽ സംസാരിക്കുകയായിരുന്നു അദ്ദേഹം. ജീവനക്കാരുടെ കുറവ് തദ്ദേശ വകുപ്പിലുണ്ട്. എഞ്ചിനീയറിങ് വിഭാഗത്തിലെ ജീവനക്കാരുടെ കുറവ് പരിഹരിക്കാൻ ബദൽ സംവിധാനം സർക്കാർ ആലോചനയിലുണ്ട് (Minister MB Rajesh talks about Shortage of engineers).

എഇയുടെ ഒഴിവുകളിലേക്ക് താത്കാലിക നിയമനം നടത്താൻ സർക്കാർ നേരത്തെ അനുമതി നൽകിയിരുന്നു. എന്നാൽ തദ്ദേശ സ്ഥാപനങ്ങൾ അപേക്ഷ കൊടുത്ത് കാത്തിരിക്കുന്ന സാഹചര്യമാണ്. എഞ്ചിനീയർ വിഭാഗത്തിലെ പ്രശ്‌നങ്ങൾ പരിശോധിക്കാൻ ഒരു വിദഗ്‌ധ സമിതിയെ നിയോഗിച്ചിട്ടുണ്ട്. വിദഗ്ധ സമിതി റിപ്പോർട്ട്‌ ലഭിച്ചാൽ തുടർ നടപടികൾ സ്വീകരിക്കും.

സംരംഭകത്തെ തടസപ്പെടുത്തുന്ന സാഹചര്യം പലപ്പോഴും ഉണ്ടാകുന്ന സാഹചര്യം ശ്രദ്ധയിൽപെട്ടിട്ടുണ്ട്. ഇതിൽ പല വിഷയങ്ങളിലും നേരിട്ട് ഇടപെട്ടിട്ടുണ്ട്. നേരിട്ട് ഓരോ വിഷയങ്ങൾ കേന്ദ്രീകരിച്ച് നടപടി സ്വീകരിക്കുന്നതിന് പകരം ഇതിനായി ഒരു സംവിധാനം ഉയർന്ന് വരേണ്ട സാഹചര്യമുണ്ട്. ഇതിനായി ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്‍റിൽ തദ്ദേശ വകുപ്പിലെ ഉദ്യോഗസ്ഥർക്ക് പരിശീലനം നൽകിയിട്ടുണ്ട്. ഇത് തുടർന്ന് വരികയാണ്. കൂടാതെ ഏകോപനത്തിനായി ഒരു സംവിധാനവും പരിഗണനയിലുണ്ട്.

പഞ്ചായത്ത് മെമ്പർമാരുടെ ഫണ്ട്‌ നാല് ലക്ഷം രൂപ മാത്രമാണ്. മെമ്പർമാർക്ക് പ്രത്യേകമായ സഹായം കൊടുക്കാനാകില്ല. ഇന്ത്യയിൽ തദ്ദേശ സ്ഥാപനങ്ങൾക്ക് നൽകുന്നതിൽ ഏറ്റവും കൂടുതൽ വിഹിതം നൽകുന്നത് കേരളത്തിലാണ്. പദ്ധതി വിഹിതത്തിന്‍റെ 27.19% ഈ സാമ്പത്തിക വർഷം അനുവദിച്ചിട്ടുള്ളത്. തനത് ഫണ്ട്‌ നിലവിൽ കുറവാണ്. ഇതു വർധിപ്പിക്കേണ്ടത് ആവശ്യകതയാണ്. കെട്ടിട നികുതി 25% വർധിപ്പിക്കുക എന്നത് ധനകാര്യ കമ്മിഷന്‍റെ ശുപാർശയാണ്.

സാക്ഷരത മിഷന്‍റെ ഫണ്ട്‌ (Literacy Mission fund) കേന്ദ്ര സർക്കാർ അവസാനിപ്പിച്ചതോടെ. സംസ്ഥാനത്തിന്‍റെ സ്വന്തം ഫണ്ടിൽ നിന്നാണ് സാക്ഷരത മിഷൻ പ്രവർത്തനങ്ങൾ മുന്നോട്ട് കൊണ്ടുപോകുന്നത്. ചരിത്രത്തിൽ ആദ്യമായി ഓൺലൈൻ മാർഗം സ്ഥലം മാറ്റിയ സാഹചര്യത്തിൽ ഇതുവരെ കാണാൻ കഴിയാത്ത ചില പ്രശ്‌നങ്ങൾ കണ്ടിട്ടുണ്ട്.

കെട്ടിട നികുതിയാണ് തദ്ദേശ സ്ഥാപനങ്ങളുടെ പ്രധാനപ്പെട്ട വരുമാനം. കാലാനുസൃതമായ വർദ്ധനവ് ഇല്ലാത്തതനാൽ വളരെ കുറവ് വരുമാനമായിരുന്നു ലഭിച്ചിരുന്നത്. എല്ലാ സംഘടനകളുമായും ചർച്ച നടത്തിയതിന് ശേഷമാണ് ഇതിൽ തീരുമാനമെടുത്തത്. വർധനവ് ഉണ്ടായില്ലെന്നും പുതുക്കി നിശ്ചയിക്കുകയാണ് ചെയ്‌തിട്ടുള്ളതെന്നും മന്ത്രി എം ബി രാജേഷ് (Minister MB Rajesh) പറഞ്ഞു.