തിരുവനന്തപുരം: കൊവിഡ് പ്രോട്ടോക്കോള്‍ ലംഘിച്ച് ക്രിട്ടിക്കൽ കണ്ടെയിൻമെന്‍റ് സോണിൽ സീരിയൽ ഷൂട്ടിങ്ങ് നടത്തിയ സംഘത്തെ വർക്കല പൊലീസ് അറസ്റ്റുചെയ്തു. ഒരു പ്രമുഖ സ്വകാര്യ ചാനലില്‍ സംപ്രേഷണം ചെയ്യുന്ന ജനപ്രിയ പരമ്പരയായ സീതാകല്യാണത്തിന്‍റെ ഷൂട്ടിങ്ങ് സംഘത്തിനെതിരെയാണ് നടപടി. വെള്ളിയാഴ്ച്ച 11 മണിയോടെയാണ് അയിരൂർ ഓടയത്തെ സ്വകാര്യ റിസോര്‍ട്ടില്‍ നിന്ന് സീരിയൽ താരങ്ങൾ ഉൾപ്പെടെ 20 പേര്‍ പിടിയിലായത്. റിസോര്‍ട്ട് ഉടമ, സീരിയൽ താരങ്ങളായ പത്മനാഭൻ തമ്പി, രജി നായർ എന്നിവരും അറസ്റ്റിലായവരിലുണ്ട്.
തിരുവനന്തപുരത്തെ റിസോര്‍ട്ടില്‍ ലോക്ക്ഡൗണ്‍ നിയമം ലംഘിച്ച് ഷൂട്ടിങ് നടത്തിയ സീരിയല്‍ സംഘം അറസ്റ്റില്‍.