മുൻ എം.എൽ.എ ജോർജ് മേഴ്‌സിയർ അന്തരിച്ചു

68 വയസായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.

തിരുവനന്തപുരം: മുതിർന്ന കോൺഗ്രസ് നേതാവും കോവളം മുൻ എം.എൽ.എയുമായ ജോർജ് മേഴ്‌സിയർ (68) അന്തരിച്ചു. കരൾ സംബന്ധമായ അസുഖത്തെ തുടർന്ന് ഒരാഴ്‌ചയായി അദ്ദേഹം ചികിത്സയിലായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. 2006 ൽ അദ്ദേഹം കോവളം മണ്ഡലത്തെ പ്രതിനിധീകരിച്ചാണ് നിയമസഭയിലെത്തിയത്. കെ.പി.സി.സി നിർവാഹക സമിതി അംഗവുമായിരുന്നു ജോർജ് മേഴ്‌സിയർ.