സെക്രട്ടേറിയറ്റിലെ തീപിടിത്തം; സുപ്രധാന ഫയലുകള്‍ നഷ്ടമായിട്ടില്ലെന്ന് മുഖ്യമന്ത്രി

അന്വേഷണ സംഘത്തിന്‍റെ റിപ്പോർട്ട് വരട്ടെയെന്നും ധൃതി വേണ്ടെന്നും മുഖ്യമന്ത്രി പറഞ്ഞു. രണ്ടു സംഘങ്ങളെ അന്വേഷണത്തിന് നിയോഗിച്ചിട്ടുണ്ട്.

തിരുവനന്തപുരം:സെക്രട്ടേറിയറ്റിലെ തീപിടിത്തത്തിൽ സുപ്രധാന ഫയലുകളൊന്നും നഷ്ടമായിട്ടില്ലെന്ന് മുഖ്യമന്ത്രി പിണറായി വിജയൻ. സംഭവത്തിൽ അന്വേഷണ സംഘത്തിന്‍റെ റിപ്പോർട്ട് വരട്ടെയെന്നും ധൃതി വേണ്ടെന്നും മുഖ്യമന്ത്രി പറഞ്ഞു. രണ്ടു സംഘങ്ങളെ അന്വേഷണത്തിന് നിയോഗിച്ചിട്ടുണ്ട്.

തീപിടിത്തത്തിന്‍റെ കാരണവും ഏതെല്ലാം ഫയലുകൾ നഷ്ടപ്പെട്ടു എന്നെല്ലാം വിശദമായി അന്വേഷിക്കുന്നുണ്ട്. ഒരാഴ്ചയ്ക്കകം റിപ്പോർട്ട് നൽകാനാണ് നിർദ്ദേശിച്ചിരിക്കുന്നത്. തീപിടിത്തം ചെറുതാണെങ്കിലും അതുയർത്തിയ സുരക്ഷാപ്രശ്നം ഗൗരവമുള്ളതാണ്. ഈ പശ്ചാത്തലത്തിൽ സെക്രട്ടേറിയറ്റിൻ്റെ സുരക്ഷ വർധിപ്പിക്കാൻ തീരുമാനിച്ചതായും മുഖ്യമന്ത്രി പറഞ്ഞു.