തിരുവനന്തപുരം: പുതിയ അധ്യായന വര്‍ഷം ആരംഭിക്കാൻ ദിവസങ്ങള്‍ മാത്രം ബാക്കി നില്‍ക്കെ സജീവമാവുകയാണ് സ്‌കൂള്‍ വിപണി. കൊവിഡ്‌ ഇടവേളയ്‌ക്ക് ശേഷം ഇപ്പോഴാണ് സ്‌കൂള്‍ വിപണി വീണ്ടും ഉണരുന്നത്. ഇക്കുറി വലിയ പ്രതീക്ഷയോടെയാണ് വ്യാപാരികളും.
പൊള്ളിക്കും സ്‌കൂള്‍ വിപണി; ബാഗ്‌ മുതല്‍ കുട വരെ... വില കേട്ടാല്‍ അടുക്കാന്‍ കഴിയില്ല
എന്നാല്‍ സ്‌കൂള്‍ വിപണിയിലെ പ്രധാന ഇനങ്ങളായ ബാഗ്‌, ചെരുപ്പ്, കുട എന്നിവയുടെ വിലയില്‍ ഇരുപത്‌ ശതമാനത്തോളം വര്‍ധനവാണ് ഉണ്ടായിട്ടുള്ളത്. രണ്ട് വര്‍ഷത്തിന് ശേഷമാണ് സ്‌കൂളുകള്‍ പൂര്‍ണമായും തുറക്കുന്നത്. 250 രൂപ മുതലാണ് സ്‌കൂള്‍ ബാഗുകളുടെയും കുടയുടെയും വില തുടങ്ങുന്നത്. എന്നാല്‍ ബുക്ക് പൊതിയുന്ന പേപ്പര്‍ മുതല്‍ നെയിം സ്ലിപ്പിന് വരെ വില കൂടിയതിനാല്‍ മാസ വരുമാനത്തിന്‍റെ ഏറിയ പങ്കും രക്ഷിതാക്കള്‍ക്ക് ഈ മാസം കുട്ടികള്‍ക്കായി നീക്കി വയ്‌ക്കേണ്ടി വരും.