തിരുവനന്തപുരം : ഭരണഘടനയെ അധിക്ഷേപിച്ച് നടത്തിയ മല്ലപ്പള്ളി പ്രസംഗം വളച്ചൊടിച്ച് ദുർവ്യാഖ്യാനം ചെയ്‌തെന്നും അതില്‍ ഖേദമുണ്ടെന്നും സജി ചെറിയാൻ. നിയമസഭയിൽ ചട്ടം 64 പ്രകാരം നടത്തിയ വ്യക്തിപരമായ പ്രസ്‌താവനയിലാണ് തന്‍റെ പ്രസംഗം വളച്ചൊടിച്ചതാണെന്ന നിലപാട് സജി ചെറിയാൻ അവർത്തിച്ചത്. മൗലികാവകാശങ്ങൾ സംരക്ഷിക്കണമെന്നതാണ് പ്രസംഗത്തിൽ ഉദ്ദേശിച്ചത്.
മല്ലപ്പള്ളി പ്രസംഗം വളച്ചൊടിച്ചതാണെന്ന് സജി ചെറിയാൻ
ഭരണഘടനയുടെ ശാക്തീകരണവശ്യം തൻ്റെ ശൈലിയിൽ വ്യക്തമാക്കുകയാണ് ചെയ്‌തത്. ഭരണഘടനയെ അവമതിക്കല്‍ ഉദ്ദേശിച്ചിട്ടില്ല. സംസ്ഥാന ഭരണങ്ങളെ അട്ടിമറിക്കുന്നത് താന്‍ പരാമർശിച്ചിട്ടുണ്ട്. കേന്ദ്ര ഭരണകൂടത്തിൻ്റെ നയങ്ങൾ ഭരണഘടനയുടെ മൂല്യങ്ങൾ നശിപ്പിക്കുന്നുവെന്ന് പൊതുപ്രവർത്തകൻ എന്ന നിലയിൽ ചൂണ്ടിക്കാട്ടുകയാണ് ചെയ്‌തതെന്നും സജി ചെറിയാൻ വ്യക്തമാക്കി.