തിരുവനന്തപുരം: മുട്ടില്‍ മരം മുറിയുമായി ബന്ധപ്പെട്ട സര്‍ക്കാര്‍ ഉത്തരവില്‍ പിഴവില്ലെന്ന് റവന്യൂ മന്ത്രി കെ.രാജന്‍. 2020 ഒക്ടോബര്‍ 24ന് പുറത്തിറക്കിയ വിവാദ ഉത്തരവില്‍ പിഴവുണ്ടായിട്ടില്ല. എന്നാല്‍ ഈ ഉത്തരവ് ദുര്‍വ്യാഖ്യാനം ചെയ്യപ്പെട്ടിട്ടുണ്ട്. ഇത് എങ്ങനെ നടന്നു എന്നത് സംബന്ധിച്ച് അന്വേഷണത്തിന് സര്‍ക്കാര്‍ ഉത്തരവിട്ടിട്ടുണ്ടെന്ന് മന്ത്രി പറഞ്ഞു.
എന്തെങ്കിലും തെറ്റായ നടപടി ഉണ്ടായിട്ടുണ്ടെങ്കില്‍ കൃത്യമായ നടപടി സ്വീകരിക്കും. വീഴ്ച വരുത്തിയ വില്ലേജ് ഓഫീസറെ സസ്‌പെന്‍ഡ് ചെയ്തിട്ടുണ്ട്. ഈ വിഷത്തില്‍ പ്രാഥമിക അന്വേഷണം ആണ് നടക്കുന്നത്. അന്വേഷണം സംബന്ധിച്ച് അന്തിമ റിപ്പോര്‍ട്ട് ലഭിച്ചിട്ടില്ല. ഇക്കാര്യത്തില്‍ സര്‍ക്കാരിന് ഭയക്കാൻ ഒന്നുമില്ലെന്നും കെ.രാജൻ പറഞ്ഞു.
ഉത്തരവില്‍ പിഴവില്ല, ദുര്‍വ്യാഖ്യാനം ചെയ്യപ്പെട്ടു; മുട്ടില്‍ മരം മുറിയില്‍ പ്രതികരണവുമായി കെ.രാജന്‍