തിരുവനന്തപുരം:ജില്ലയിലെ കണ്ടെയ്ൻമെന്‍റ്, ക്രിറ്റിക്കൽ കണ്ടെയ്ൻമെന്‍റ് സോണുകളിലെ നിയന്ത്രണങ്ങൾ കർശനമായി തുടരുമെന്ന് മേയർ കെ. ശ്രീകുമാർ. കർശനമായ നിയന്ത്രണങ്ങളും പരിശോധനയും തലസ്ഥാനത്തെ രോഗവ്യാപനം പിടിച്ചു നിർത്താൻ സഹായിച്ചു. അപകടം നിലനിൽക്കുന്നുണ്ടെങ്കിലും നിയന്ത്രണ വിധേയമാകുന്നതിന്‍റെ സൂചനകളാണ് കാണുന്നത്. ജൂലൈ 22 മുതലുള്ള പ്രതിദിനക്കണക്കുപ്രകാരം ജില്ലയിലെ ആകെ രോഗികളുടെ മൂന്നിലൊന്ന് മാത്രമാണ് നഗരത്തിലുള്ളത്. കുന്നുകുഴി വാർഡിലെ ബണ്ട് കോളനിയിൽ 16 പേർക്ക് രോഗം സ്ഥിരീകരിച്ചത് അപകടമാണെന്നും മേയർ പറഞ്ഞു.
തലസ്ഥാനത്തെ നിയന്ത്രണങ്ങൾ കർശനമായി തുടരുമെന്ന് മേയർ