തിരുവനന്തപുരം: സ്വര്‍ണക്കടത്തില്‍ മുഖ്യമന്ത്രിയുടെ ഓഫിസിനു പങ്കുണ്ടെന്ന് എന്‍ഫോഴ്‌സ്‌മെന്‍റ് ഡയറക്ടറേറ്റ് കോടതിയില്‍ നല്‍കിയ സത്യവാങ്മൂലം ഞെട്ടിക്കുന്നതെന്ന് പ്രതിപക്ഷനേതാവ് രമേശ് ചെന്നിത്തല. മുമ്പ് മുഖ്യമന്ത്രിയുടെ ഓഫിസിനു പങ്കുണ്ടെന്ന പ്രതിപക്ഷ ആരോപണങ്ങളെ പിണറായി വിജയന്‍ പുച്ഛിച്ചു തള്ളിയെങ്കില്‍ ഇപ്പോള്‍ അതെല്ലാം സത്യമാണെന്ന് ഇ.ഡി കോടതിയെ അറിയിച്ചിരിക്കുന്നു. ഇത് ഔദ്യോഗിക രേഖയാണ്. ഇക്കാര്യത്തില്‍ സ്വപ്‌ന സുരേഷ് പറയുന്നതിനെ വിശ്വസിക്കുന്നില്ലെങ്കിലും ഇ.ഡി പറയുന്നത് അവിശ്വസിക്കേണ്ട കാര്യമില്ല. ഈ സാഹചര്യത്തില്‍ മുഖ്യമന്ത്രിക്ക് ഇനി അധികാരത്തില്‍ ഒരു നിമിഷം പോലും തുടരാന്‍ അവകാശമില്ലെന്നും ചെന്നിത്തല പറഞ്ഞു.
സ്വര്‍ണക്കടത്തിലെ ഇ.ഡി സത്യവാങ്മൂലം ഞെട്ടിക്കുന്നതെന്ന് രമേശ് ചെന്നിത്തല