തിരുവനന്തപുരം:സർക്കാരിൻ്റെ സർവകലാശാല നിയമ ഭേദഗതി ബിൽ തെറ്റായ കീഴ്‌വഴക്കം സൃഷ്‌ടിക്കുമെന്ന് രമേശ് ചെന്നിത്തല. ആരെയും സർവകലാശാലകളിലെ ചാൻസലർമാരാക്കാമെന്ന സ്ഥിതി ഉന്നത വിദ്യാഭ്യാസ മേഖലയെ തകർക്കും. അവധാനതയില്ലാതെ തയാറാക്കിയ ബില്ലാണ് ഇപ്പോൾ സഭയുടെ പരിഗണനയിൽ വന്നത്. ദോശ ചുടുന്ന വേഗതയിൽ സർവകലാശാലകളുമായി ബന്ധപ്പെട്ട നിയമങ്ങൾ പാസാക്കരുതെന്നും ചെന്നിത്തല ആവശ്യപ്പെട്ടു.
സർവകലാശാല ബിൽ തെറ്റായ കീഴ്‌വഴക്കം സൃഷ്‌ടിക്കുമെന്ന് രമേശ് ചെന്നിത്തല - ചെന്നിത്തല
ദോശ ചുടുന്ന വേഗതയിൽ സർവകലാശാലകളുമായി ബന്ധപ്പെട്ട നിയമങ്ങൾ പാസാക്കരുതെന്ന് ചെന്നിത്തല
സർവകലാശാല ബിൽ തെറ്റായ കീഴ്‌വഴക്കം സൃഷ്‌ടിക്കുമെന്ന് രമേശ് ചെന്നിത്തല
അതേസമയം സർവകലാശാല നിയമ ഭേദഗതി ബിൽ തട്ടിക്കൂട്ടാണെന്ന് പ്രതിപക്ഷ നേതാവ് വിഡി സതീശനും ആരോപിച്ചു. ചാൻസലറായി ആരെയും നിയമിക്കാവുന്ന അവസ്ഥയാകും ഭാവിയിൽ ഉണ്ടാവുക. പാർട്ടി ലോക്കൽ കമ്മിറ്റി സെക്രട്ടറിയെ വരെ ചാന്‍സലറാക്കാൻ സാധിക്കും. അതിനാൽ നിലവിലത്തെ ബിൽ പിൻവലിച്ച് പ്രതിപക്ഷവുമായി ചർച്ച ചെയ്‌ത് ബിൽ തയാറാക്കണമെന്നും വി.ഡി സതീശന്‍ ആവശ്യപ്പെട്ടു.