തിരുവനന്തപുരം: രാജ്യസഭ തെരഞ്ഞെടുപ്പില്‍ മത്സരിക്കുന്ന ഇടതുമുന്നണി സ്ഥാനാർഥികളായ കൈരളി ടിവി എംഡി ജോണ്‍ ബ്രിട്ടാസും എസ്.എഫ്.ഐ മുന്‍ അഖിലേന്ത്യാ പ്രസിഡന്‍റ് ഡോ. വി. ശിവദാസനും നാമനിർദേശ പത്രിക സമർപ്പിച്ചു.
കൂടുതൽ വായനക്ക്:-രാജ്യസഭയിലേക്ക് ജോൺ ബ്രിട്ടാസും വി ശിവദാസനും മത്സരിക്കും
യു.ഡി.എഫ് സ്ഥാനാർഥി അബ്‌ദുള്‍ വഹാബ് നേരത്തെ പത്രിക നല്‍കിയിരുന്നു. രാജ്യസഭ തെരഞ്ഞെടുപ്പിനുള്ള പത്രികാസമര്‍പ്പണം നാളെ അവസാനിക്കും. ബുധനാഴ്‌ചയാണ് സൂക്ഷ്‌മ പരിശോധന. 23 വരെ പത്രിക പിന്‍വലിക്കാം.
ഈ മാസം 30നാണ് വോട്ടെടുപ്പ്. മൂന്നില്‍ കൂടുതല്‍ സ്ഥാനാർഥികൾ ഇല്ലാത്ത സാഹചര്യത്തില്‍, ജോണ്‍ ബ്രിട്ടാസ്, ഡോ. വി. ശിവദാസന്‍, പി.വി. അബ്‌ദുള്‍ വഹാബ് എന്നിവരെ ഈ മാസം 23ന് തന്നെ, തെരഞ്ഞെടുത്തതായി പ്രഖ്യാപിക്കും.