തിരുവനന്തപുരം: വട്ടിയൂർകാവിൽ കുമ്മനം രാജശേഖരനെ മാറ്റി സുരേഷിനെ സ്ഥാനാർഥിയാക്കിയത് യുവാക്കൾക്ക് അവസരം നൽകാനെന്ന് ഒ.രാജഗോപാൽ എം.എൽ.എ. അവസാനഘട്ടം കുമ്മനത്തെ മാറ്റി എന്ന പ്രചരണം ശരിയല്ല. ചുറ്റുപാടുമുള്ള മാറ്റങ്ങൾ നിരീക്ഷിച്ച് എല്ലാവരോടും ആലോചിച്ചെടുത്ത തീരുമാനമാണ് ഇതെന്നും ഒ.രാജഗോപാൽ ഇ ടിവി ഭാരതിനോട് പറഞ്ഞു. യുവാക്കളെ മത്സരിപ്പിക്കുന്ന പുതിയ പ്രവണതയാണ് മറ്റ് പാർട്ടികൾ സ്വീകരിച്ചത്. ജനങ്ങളെ ഈ ചിന്ത സ്വാധീനിക്കുന്നുവെന്ന് മനസിലാക്കിയാണ് ബിജെപിയും ഈ തീരുമാനമെടുത്തത് . ഉറച്ച വിജയ പ്രതീക്ഷയാണുള്ളതെന്നും ഒ രാജഗോപാല്‍ പറഞ്ഞു.
സുരേഷിനെ സ്ഥാനാർഥിയാക്കിയത് യുവാക്കൾക്ക് അവസരം നൽകാനെന്ന് ഒ രാജഗോപാല്‍