തിരുവനന്തപുരം: വിഴിഞ്ഞം തുറമുഖത്തിനെതിരെ സമരം നടത്തുന്ന മത്സ്യത്തൊഴിലാളികളുമായി രാഹുല്‍ ഗാന്ധി കൂടിക്കാഴ്‌ച നടത്തും. ഭാരത് ജോഡോ യാത്രയുടെ ഭാഗമായി തിരുവനന്തപുരത്തെത്തിയ രാഹുല്‍ ഗാന്ധി നാളെ (സെപ്‌റ്റംബര്‍ 12) ആണ് തുറമുഖത്തിനെതിരെ സമരം ചെയ്യുന്നവരുമായി കൂടിക്കാഴ്‌ച നടത്തുക. നാളെ രാവിലെയുള്ള പദയാത്രയ്ക്ക് ശേഷമാകും വിഴിഞ്ഞം സമര പ്രതിനിധികളുമായുള്ള കൂടിക്കാഴ്‌ച.
കെ റെയില്‍ സമര സമിതിയുമായും കൂടിക്കാഴ്‌ച നടത്തുന്നുണ്ട്. ഈ കൂടിക്കാഴ്‌ചയും നാളെയാണ് നിശ്ചയിച്ചിരിക്കുന്നത്. ഭാരത് ജോഡോ യാത്രയുടെ ഭാഗമായി കോണ്‍ഗ്രസ് നേതാക്കള്‍ നടത്തിയ വാര്‍ത്താസമ്മേളനത്തിലാണ് ഇക്കാര്യങ്ങള്‍ അറിയിച്ചത്.