തിരുവനന്തപുരം:കോണ്‍ഗ്രസ് നേതാവ് രാഹുല്‍ ഗാന്ധി നയിക്കുന്ന ഭാരത് ജോഡോ യാത്രയുടെ കേരളത്തിലെ രണ്ടാം ദിവസത്തെ പര്യടനത്തിന്‍റെ ആദ്യ ഘട്ടം പട്ടത്ത് അവസാനിച്ചു. ഇന്ന് (സെപ്‌റ്റംബര്‍ 12) രാവിലെ 7ന് നേമത്ത് നിന്നാരംഭിച്ച യാത്ര 10.15 ഓടെയാണ് പട്ടത്ത് എത്തിയത്. പദയാത്ര കരമന -കിള്ളിപ്പാലം എത്തിയപ്പോൾ മുതലപ്പൊഴിയില്‍ മരിച്ച മത്സ്യ തൊഴിലാളികളുടെ കുടുംബവും രാഹുല്‍ ഗാന്ധിക്കൊപ്പം ചേർന്നു.
ഭാരത് ജോഡോ യാത്ര : തിരുവനന്തപുരത്തെ പര്യടനത്തിന്‍റെ ആദ്യ ഘട്ടം പട്ടത്ത് അവസാനിച്ചു
യാത്രയിലുടനീളം രാഹുലിന് അഭിവാദ്യമർപ്പിച്ച് നൂറ് കണക്കിന് പ്രവർത്തകരും കൊച്ചുകുട്ടികളും റോഡിന് ഇരുവശത്തും അണിനിരന്നു. വെള്ളായണി മുതൽ പട്ടം വരെ ഒരു ഭാഗത്തെ റോഡിൽ പൂർണമായും ഗതാഗതം തടഞ്ഞത് ചെറിയ ഗതാഗത കുരുക്കിന് കാരണമായി. പട്ടം സെന്റ് മേരീസ് ഹയർ സെക്കണ്ടറി സ്‌കൂളിലാണ് രാഹുൽ ഗാന്ധിയുടെ വിശ്രമം.