തിരുവനന്തപുരം :കരുവന്നൂര്‍ ബാങ്ക് തട്ടിപ്പുകേസിലെ (Karuvannur Bank Fraud Case) പ്രതി അമ്പിളി മഹേഷിന്‍റെ (Ambili Mahesh) മകളുടെ വിവാഹ സത്കാരത്തില്‍ പങ്കെടുത്ത സംഭവത്തില്‍ വിശദീകരണവുമായി മന്ത്രി പ്രൊഫ. ആര്‍ ബിന്ദു. വരന്‍റെ മാതാവും തൃശൂര്‍ ജില്ല പഞ്ചായത്ത് അംഗവും മഹിള അസോസിയേഷന്‍ പ്രവര്‍ത്തകയുമായ ലത ചന്ദ്രന്‍റെ വീട്ടിലാണ് വിവാഹത്തിനുപോയതെന്ന് മന്ത്രി പറഞ്ഞു.
അവരുമായി വര്‍ഷങ്ങളുടെ ബന്ധമുണ്ട്. അവരുടേത് ഒരു സാധാരണ പാര്‍ട്ടി കുടുംബമാണ്. അവിടെ കേസില്‍ പെട്ടവര്‍ ആരെങ്കിലുമുണ്ട് എന്നതുകൊണ്ട് വിവാഹ ചടങ്ങില്‍ പങ്കെടുക്കാതിരിക്കാനാകില്ല.
പങ്കെടുത്തത് വരന്‍റെ കുടുംബത്തിന്‍റെ ക്ഷണപ്രകാരം; ഇത്തരം സന്ദര്‍ഭങ്ങളുണ്ടായാല്‍ പോകുകതന്നെ ചെയ്യുമെന്ന് മന്ത്രി
വരന്‍ തന്‍റെ വിദ്യാര്‍ഥിയാണ്. ഇനിയും ഇത്തരം സന്ദര്‍ഭങ്ങളുണ്ടായാല്‍ പോകുക തന്നെ ചെയ്യും. മാധ്യമങ്ങള്‍ ഇത്തരം ജീര്‍ണ വാര്‍ത്തകളുടെ പിറകെയല്ല പോകേണ്ടത്.