തിരുവനന്തപുരം: മന്ത്രി കെടി ജലീന്‍റെ രാജി ആവശ്യപ്പെട്ട് പ്രതിപക്ഷ സംഘടനകളുടെ പ്രതിഷേധം ഇന്നും ശക്തം. സെക്രട്ടറിയേറ്റിന് മുന്നിൽ മഹിളാമോർച്ച, കെഎസ്‌യു, സിഎംപി തുടങ്ങിയ കേരള പ്രതിപക്ഷ സംഘടനകളെല്ലാം സമരവുമായെത്തി. കെഎസ്‌യു പ്രവർത്തകരുടെ മാർച്ച് സംഘർഷത്തിൽ കലാശിച്ചു. പ്രവർത്തകർക്ക് നേരെ പൊലീസ് പലതവണ ജലപീരങ്കി പ്രയോഗിച്ചു. തുടർന്ന് പൊലീസും സമരക്കാരും തമ്മിൽ ഉന്തും തള്ളുമുണ്ടായി. പ്രതിഷേധക്കാർക്ക് നേരെ പൊലീസ് ലാത്തി വീശി. പൊലീസ് ലാത്തിച്ചാർജിൽ കെഎസ്‌യു സംസ്ഥാന പ്രസിഡന്‍റ് കെഎം അഭിജിത് ഉൾപ്പെടെ നിരവധി പേർക്ക് പരിക്കേറ്റു. പ്രതിഷേധിച്ച കെ.എസ്.യു വനിതാ പ്രവർത്തകരെ പൊലീസ് അറസ്റ്റ് ചെയ്തു നീക്കി.
കെ ടി ജലീന്‍റെ രാജി ആവശ്യപ്പെട്ട് പ്രതിപക്ഷ സംഘടനകളുടെ പ്രതിഷേധം സംഘർഷഭരിതം
കെ ടി ജലീന്‍റെ രാജി ആവശ്യപ്പെട്ട് പ്രതിപക്ഷ സംഘടനകളുടെ പ്രതിഷേധം സംഘർഷഭരിതം