തിരുവനന്തപുരം: കൊവിഡ് വാക്സിന് രജിസ്റ്റർ ചെയ്ത 18 മുതല്‍ 44 വയസുവരെയുള്ളവർക്ക് വാക്സിന് വിതരണത്തിന് മുന്‍ഗണനാക്രമം നിശ്ചയിച്ചതായി മുഖ്യമന്ത്രി പിണറായി വിജയന്‍. ഗുരുതര രോഗാവസ്ഥയുള്ളവര്‍ക്കാണ് ഈ വിഭാഗത്തില്‍ മുന്‍ഗണന നൽകുക.
18നും 44നും ഇടയിലുള്ളവരുടെ വാക്സിന് വിതരണം, ഗുരുതര രോഗാവസ്ഥയുള്ളവര്‍ക്ക് മുന്‍ഗണ നൽകുമെന്ന് മുഖ്യമന്ത്രി
ഹൃദയ സംബന്ധമായ രോഗങ്ങള്‍, സങ്കീര്‍ണമായ ഹൈപ്പര്‍ ടെന്‍ഷന്‍, പ്രമേഹം, ലിവര്‍ സീറോസീസ്, കാന്‍സര്‍, സിക്കിള്‍ സെല്‍ അനീമിയ, എച്ച്ഐവി ഇന്‍ഫെക്ഷന്‍ എന്നീ രോഗമുള്ളവര്‍, അവയവ ശസ്ത്രക്രിയ കഴിഞ്ഞവര്‍, ഡയാലിലീസ് ചെയ്യുന്നവര്‍, ഭിന്നശേഷി വിഭാഗക്കാര്‍ തുടങ്ങി 20 വിഭാഗങ്ങള്‍ക്കാണ് മുന്‍ഗണന നൽകിയിരിക്കുന്നത്. ഈ വിഭാഗങ്ങള്‍ എത്രയും വേഗം രജിസ്‌ട്രേഷനെടുത്ത് അനുവദിക്കുന്ന മുറയ്ക്ക് വാക്സിന് സ്വീകരിക്കാന്‍ തയ്യാറാകണം.