തിരുവനന്തപുരം : വിഴിഞ്ഞം തുറമുഖ നിർമാണം ഉടൻ പുനഃരാരംഭിക്കുമെന്ന് മന്ത്രി അഹമ്മദ് ദേവർകോവിൽ. മുഖ്യമന്ത്രിയുമായി ചർച്ച നടത്തി ഇക്കാര്യത്തില്‍ തീരുമാനമെടുക്കുമെന്നും വിഴിഞ്ഞം റിവ്യൂ യോഗത്തിന് ശേഷം മന്ത്രി മാധ്യമങ്ങളോട് പറഞ്ഞു. തുറമുഖ നിർമാണത്തിനെതിരെ ലത്തീൻ അതിരൂപതയുടെ നേതൃത്വത്തിൽ നടക്കുന്ന സമരത്തിൽ അദാനി ഗ്രൂപ്പിനുണ്ടായ നഷ്‌ടങ്ങളിൽ പരിഹാരം കാണാന്‍ നിയമവിദഗ്‌ധരോടടക്കം ചർച്ച ചെയ്‌ത് തീരുമാനമെടുക്കും.
തൊഴിൽ ദിനങ്ങള്‍ നഷ്ടപ്പെട്ടതില്‍ പരിഹാരം കാണും. ഓവർടൈമും തൊഴിലാളികളുടെ എണ്ണവും വർധിപ്പിക്കും. എല്ലാവരുടെയും പ്രശ്‌നങ്ങൾ പരിഹരിച്ച് മുന്നോട്ടുപോകുമെന്നും മന്ത്രി വ്യക്തമാക്കി. സമരം കാരണം പദ്ധതി പ്രവർത്തനം വൈകാൻ പാടില്ല. അടുത്ത ഓണത്തിന് തന്നെ കപ്പൽ എത്തിക്കാനുള്ള ശ്രമങ്ങൾ തുടരും.
മന്ത്രി അഹമ്മദ് ദേവർകോവിൽ മാധ്യമങ്ങളോട്