തിരുവനന്തപുരം :കുഞ്ഞിനെ നഷ്‌ടപ്പെട്ടെന്ന പരാതിയില്‍ അനുപമയുടെ മാതാപിതാക്കള്‍ ഉള്‍പ്പടെ ബന്ധുക്കളില്‍ നിന്ന് പൊലീസ് മൊഴിയെടുക്കും. അനുപമയുടെ അച്ഛന്‍ ജയചന്ദ്രന്‍, അമ്മ, സഹോദരി, ഇവരുടെ ഭര്‍ത്താവ് എന്നിവരില്‍ നിന്നാണ് മൊഴിയെടുക്കുക. കൂടാതെ രണ്ട് സുഹൃത്തുക്കളില്‍ നിന്നും വിശദാംശങ്ങള്‍ തേടും.
സംഭവത്തില്‍ പരാതി നല്‍കിയിട്ടും പ്രതികളില്‍ നിന്നോ പരാതിക്കാരില്‍ നിന്നോ മൊഴിയെടുക്കാന്‍ പൊലീസ് തയ്യാറായിട്ടില്ലെന്നാണ് അനുപമയുടെ ആരോപണം. അതിനിടെ, ചൈല്‍ഡ് വെല്‍ഫയര്‍ കമ്മിറ്റിയ്ക്കും ദത്തുനല്‍കല്‍ കമ്മിറ്റിയ്ക്കും വിവരങ്ങള്‍ തേടി പേരൂര്‍ക്കട പൊലീസ് കത്തുനല്‍കി.