തിരുവനന്തപുരം: സംസ്ഥാനത്ത് സ്വകാര്യ സുരക്ഷ ഏജൻസികൾ നിയോഗിക്കുന്ന ജീവനക്കാരുടെ കൈവശമുള്ള ആയുധങ്ങൾ പരിശോധിക്കാനൊരുങ്ങി പൊലീസ്. എടിഎം, ധനകാര്യ സ്ഥാപനങ്ങൾ എന്നിവിടങ്ങളിൽ ജോലി നോക്കുന്ന ജീവനക്കാരുടെ ആയുധങ്ങളാണ് പരിശോധിക്കുന്നത്.
എടിഎമ്മിൽ പണം നിറയ്ക്കുന്ന സ്വകാര്യ ഏജൻസിയുടെ വാഹനത്തിന് സുരക്ഷ ഒരുക്കുന്ന കശ്‌മീർ സ്വദേശികളിൽ നിന്ന് മതിയായ രേഖകളില്ലാത്ത തോക്കുകൾ കണ്ടെത്തിയ സാഹചര്യത്തിലാണ് നടപടി.