തിരുവനന്തപുരം: സംസ്ഥാനത്ത് പ്ലസ് വൺ പ്രവേശനത്തിനുള്ള ഒന്നാംഘട്ട അലോട്ട്മെന്‍റ് പ്രസിദ്ധീകരിച്ചതിന് ശേഷം ആഗസ്റ്റ് 6 വരെയുള്ള കണക്കനുസരിച്ച് 50,322 പേർ സ്ഥിരം പ്രവേശനവും 19,840 പേർ താത്കാലിക പ്രവേശനവും നേടിയതായി വിദ്യാഭ്യാസ മന്ത്രി വി.ശിവൻകുട്ടി അറിയിച്ചു. 2,38,150 പേർക്ക് ഒന്നാംഘട്ട അലോട്ട്മെന്‍റ് ലഭിച്ചു. 2,33,699 പേർക്കാണ് ഇനി അലോട്ട്മെന്‍റ് ലഭിക്കാനുള്ളതെന്നും മന്ത്രി പറഞ്ഞു.
വിദ്യാഭ്യാസ മന്ത്രി വി.ശിവൻകുട്ടി മാധ്യമങ്ങളെ കാണുന്നു
മണക്കാട് കാർത്തിക തിരുനാൾ ഗവൺമെന്‍റ് ഗേൾസ് വൊക്കേഷണൽ ഹയർസെക്കൻഡറി സ്‌കൂളിലെ പ്ലസ് വൺ പ്രവേശന നടപടികൾ വിലയിരുത്തിയ ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി. രണ്ടാമത്തെ അലോട്ട്മെന്‍റ് ആഗസ്റ്റ് 15ന് പ്രസിദ്ധീകരിച്ച് പ്രവേശനം ആഗസ്റ്റ് 16, 17 തീയതികളില്‍ നടക്കും. ഒന്നാം അലോട്ട്മെന്‍റിന്‍റെ പ്രവേശനം ആഗസ്റ്റ് 10 ന് വൈകിട്ട് 5 മണിയ്ക്ക് പൂര്‍ത്തീകരിക്കും.