തിരുവനന്തപുരം: പെട്രോള്‍-ഡീസല്‍ വിലയില്‍ കേരളത്തെക്കാള്‍ ലാഭം തമിഴ്‌ നാട്ടില്‍. തമിഴ്‌നാട്‌ സര്‍ക്കാര്‍ നികുതിയില്‍ ഇളവ് വരുത്തിയതോടെ മൂന്ന് രൂപയോളമാണ് ഇന്ധന വിലയില്‍ വാഹന ഉടമകള്‍ക്ക് ലാഭം കിട്ടുന്നത്. കേരളത്തില്‍ പെട്രോളിന് 106 രൂപയും ഡീസലിന് 100 രൂപയും കടന്നപ്പോള്‍ തമിഴ്‌നാട്ടില്‍ പെട്രോളിന് 102.80 രൂപയും ഡീസലിന് 98.53 രൂപയുമാണ്.
നികുതിയില്‍ ഇളവില്ല; മലയാളി ഇന്ധനം വാങ്ങാന്‍ തമിഴ്‌നാട്ടിലേക്ക്
ഇതോടെ സംസ്ഥാന അതിര്‍ത്തിയിലെ വാഹന ഉടമകള്‍ ഏറെയും ആശ്രയിക്കുന്നത് ഇപ്പോള്‍ അയല്‍ സംസ്ഥാനത്തെയാണ്. സംസ്ഥാനത്തെ നിലവിലെ ഇന്ധന വിലയില്‍ ഓട്ടോ-ടാക്‌സികള്‍ നിരത്തില്‍ ഇറക്കാന്‍ കഴിയാത്ത അവസ്ഥയിലാണെന്ന് തൊഴിലാളികള്‍ പറയുന്നു.