തിരുവനന്തപുരം: സംസ്ഥാനത്ത് പെട്രോൾ വില ഇന്നും കൂട്ടി. ഒരു ലിറ്റർ പെട്രോളിന് 35 പൈസയാണ് വർധിപ്പിച്ചത്. ഡീസല്‍ വിലയില്‍ മാറ്റമില്ല. കഴിഞ്ഞ ഏഴ് ദിവസത്തിനിടെ നാല് തവണയാണ് വില കൂടിയത്.
തിരുവനന്തപുരത്ത് ഒരു ലിറ്റര്‍ പെട്രോളിന് 101.14 രൂപയും കൊച്ചിയില്‍ 99.26 രൂപയുമാണ് പുതിയ വില. കഴിഞ്ഞ മാസം മാത്രം രാജ്യത്ത് ഇന്ധനവില വർധിപ്പിച്ചത് 17 തവണയാണ്. ജൂണ്‍ 24നാണ് സംസ്ഥാനത്ത് പെട്രോള്‍ വില 100 കടന്നത്. പ്രീമിയം പെട്രോൾ വില ജൂണ്‍ എട്ടിന് നൂറു കടന്നിരുന്നു.