തിരുവനന്തപുരം :എകെജി സെന്‍ററിലേക്ക് സ്‌ഫോടക വസ്‌തു എറിഞ്ഞ് നാല് രാത്രിയും മൂന്ന് പകലും കഴിഞ്ഞിട്ടും പ്രതിയെ പിടികൂടാത്ത പൊലീസിന്‍റെ ദുരൂഹമായ മെല്ലെപ്പോക്കില്‍ സംശയമുണ്ടെന്ന് അടിയന്തര പ്രമേയ ചര്‍ച്ചയ്ക്ക് തുടക്കമിട്ട് പി.സി വിഷ്‌ണുനാഥ്. പൊലീസിന്‍റെ കാവലുണ്ടായിരുന്ന സമയത്ത് ആക്രമണം നടത്തിയിട്ട് എന്തുകൊണ്ട് അക്രമിയെ പൊലീസ് തടഞ്ഞില്ല. എന്തുകൊണ്ട് പൊലീസ് വയര്‍ലെസ് മെസേജ് നല്‍കി അക്രമിയെ പിടികൂടിയില്ല.
എകെജി സെന്‍റര്‍ ആക്രമണം: പൊലീസിന്‍റേത് ദുരൂഹമായ മെല്ലെപ്പോക്കെന്ന് പി.സി വിഷ്‌ണുനാഥ് നിയമസഭയിൽ
ഈ സമയത്ത് പൊലീസിനെ ബോധപൂര്‍വം അവിടെ നിന്ന് മാറ്റിയത് ആരുടെ നിര്‍ദേശ പ്രകാരമാണെന്നും വിഷ്‌ണുനാഥ് ചോദിച്ചു. ഇപ്പോള്‍ ഏതെങ്കിലും നിരപരാധിയുടെ തലയില്‍ വച്ചുകെട്ടാനാണ് ശ്രമിക്കുന്നത്. 5 മിനിട്ടിനുള്ളില്‍ സ്ഥലത്തെത്തിയ എല്‍ഡിഎഫ് കണ്‍വീനര്‍ക്ക്, ഉത്തരവാദിത്തം കോണ്‍ഗ്രസിന്‍റെ തലയില്‍ വച്ചുകെട്ടാന്‍ തെളിവ് എവിടെ നിന്ന് ലഭിച്ചു.