തിരുവനന്തപുരം: പട്ടത്ത് ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയ സാന്ദ്ര (20) വിഷാദ രോഗിയായിരുന്നുവെന്ന് ബന്ധുക്കളുടെ മൊഴി. രണ്ടു വർഷമായി സാന്ദ്ര വിഷാദ രോഗത്തിന് മരുന്നു കഴിച്ചിരുന്നതായാണ് കുടുംബം നല്‍കിയ മൊഴി. കൂടുതൽ സമയം മൊബൈലുമായി ഇടപഴകുകയായിരുന്നു സാന്ദ്രയുടെ ശീലം എന്നും ബന്ധുക്കൾ പൊലീസിന് നല്‍കിയ മൊഴിയില്‍ പറയുന്നു.
പോസ്റ്റ്‌മോർട്ടത്തിന് ശേഷം അന്വേഷണം കൂടുതൽ ഊർജിതമാക്കുമെന്നും മരണം ആത്മഹത്യയാണോ കൊലപാതകം ആണോ എന്ന് തിരിച്ചറിയാൻ കഴിഞ്ഞിട്ടില്ലെന്നും മ്യൂസിയം പൊലീസ് അറിയിച്ചു. കഴിഞ്ഞ ദിവസം രാത്രി 8 മണിയോടെയാണ് ബിരുദധാരിയായ സാന്ദ്രയെ വീടിന്‍റെ താഴെ നിലയിൽ മരിച്ച നിലയില്‍ കണ്ടെത്തിയത്. വായിൽ ടേപ്പ് ഒട്ടിച്ച് മൂക്കിൽ ക്ലിപ്പുമിട്ട നിലയിലായിരുന്നു സാന്ദ്രയെ കണ്ടെത്തിയത്.