തിരുവനന്തപുരം:പാളയം മാര്‍ക്കറ്റിന് സമീപത്തുള്ള സാഫല്യം ഷോപ്പിങ് കോംപ്ലക്സിലെ ജീവനക്കാരന് കൊവിഡ് 19 സ്ഥിരീകരിച്ചതിനെ തുടര്‍ന്ന് മാര്‍ക്കറ്റ് അടച്ചു. നഗരത്തിലെ മറ്റു ഭാഗങ്ങളിലും നിയന്ത്രണങ്ങള്‍ കര്‍ശനമാക്കിയതായി തിരുവനന്തപുരം മേയര്‍ കെ. ശ്രീകുമാര്‍ പറഞ്ഞു. നേരത്തെ പ്രധാന കവാടത്തിലൂടെ മാത്രം പ്രവേശനം അനുവദിച്ച് നിയന്ത്രണങ്ങളോടെ പാളയം മാര്‍ക്കറ്റ് തുറക്കാനായിരുന്നു തീരുമാനം. എന്നാൽ ആളുകളുടെ തിരക്കും പ്രത്യേക സാഹചര്യവും കണക്കിലെടുത്ത് മാർക്കറ്റ് അടയ്ക്കാൻ തീരുമാനിക്കുകയായിരുന്നു. നഗരസഭയുടെ നേതൃത്വത്തിൽ മാർക്കറ്റും പരിസരവും അണുമുക്തമാക്കി.
തലസ്ഥാനത്ത് സ്ഥിതി അതീവഗുരുതരം; പാളയം മാര്‍ക്കറ്റ് അടച്ചു