തിരുവനന്തപുരം:സി.എ.ജി റിപ്പോർട്ട് ചോർന്ന സംഭവത്തിൽ ഒരു പ്രതിപക്ഷ എം.എൽ.എയേയും വിമർശിച്ചിട്ടില്ലെന്ന് സ്പീക്കർ പി.ശ്രീരാമകൃഷണൻ. റിപ്പോർട്ടിലെ പരാമർശങ്ങൾ പ്രതിപക്ഷത്തിന് സഭയിലുന്നയിക്കാനാകില്ലെന്ന് താൻ പറഞ്ഞിട്ടില്ലെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു. സഭയില്‍ വയ്ക്കുന്നതിന് മുമ്പ് റിപ്പോർട്ട് ചോർന്നത് സഭയോടുള്ള അവഹേളനമാണ്. നിയമസഭയുടെ മേശപ്പുറത്ത് വച്ച ശേഷമേ സി.എ.ജി റിപ്പോർട്ട് ഒരു പൊതു രേഖയാകുന്നുള്ളൂ. സഭയിലെത്തിയ ശേഷം റിപ്പോര്‍ട്ട് ചോർന്നിട്ടില്ലെന്നും സ്പീക്കര് പറഞ്ഞു.
സി.എ.ജി റിപ്പോര്‍ട്ട്; പ്രതിപക്ഷത്തെ വിമര്‍ശിച്ചിട്ടില്ലെന്ന് സ്പീക്കര്