'ഓൺലൈൻ മദ്യ വിൽപന ആലോചനയിലില്ല:' മന്ത്രി എം.വി ഗോവിന്ദൻ

മദ്യ വിൽപ്പന ആധുനികവത്കരിക്കുക തന്നെയാണ് സർക്കാരിന്‍റെ ലക്ഷ്യമെന്നും എക്സൈസ് മന്ത്രി വ്യക്തമാക്കി.

തിരുവനന്തപുരം:ഓൺലൈൻ മദ്യ വിൽപന നിലവിൽ ആലോചനയിൽ ഇല്ലെന്ന് എക്സൈസ് മന്ത്രി എം.വി ഗോവിന്ദൻ. മദ്യ വിൽപന ആധുനികവത്ക്കരിക്കുക തന്നെയാണ് ലക്ഷ്യം. എല്ലാ കാലത്തും ഇതുപോലെ പോകാൻ കഴിയില്ല. ഒരു സാധ്യതകളും തള്ളിക്കളയുന്നില്ലെന്നും എന്നാൽ ഓൺലൈൻ വിതരണം ഇപ്പോൾ ആലോചനയിൽ ഇല്ലെന്നും മന്ത്രി വ്യക്തമാക്കി.

സിക വൈറസ് വ്യാപനത്തിൻ്റെ പശ്ചാത്തലത്തിൽ വാർഡ് തലം വരെ കൊതുക് നശീകരണത്തിന് അടിയന്തര നിർദേശം നൽകിയതായും മന്ത്രി അറിയിച്ചു. ഫോഗിങ് ഉൾപ്പടെ ഫലപ്രദമായി കൈകാര്യം ചെയ്യുമെന്നും മന്ത്രി കൂട്ടിച്ചേർത്തു.