തിരുവനന്തപുരം : കൊവിഡ് നഷ്‌ടപ്പെടുത്തിയ രണ്ടുവര്‍ഷത്തെ ഓണാവേശം തിരിച്ചുപിടിച്ച് മലയാളികള്‍ ഉത്രാടപ്പാച്ചിലില്‍. തിരുവോണമാഘോഷിക്കാനുളള സാധനസാമഗ്രികളും ഓണക്കോടിയുമടക്കം മലയാളികൾ പാങ്ങിനനുസരിച്ച് വാങ്ങിയിട്ടുണ്ടെന്ന് ഉറപ്പുവരുത്താനാണ് ഇന്നത്തെ പാച്ചില്‍. സംസ്ഥാനമാകെ ചെറുതും വലുതുമായ നഗരങ്ങള്‍ ഇന്ന് ആള്‍ത്തിരക്കിലാവും.
ഉത്രാടപ്പാച്ചിലില്‍ അനന്തപുരി
വസ്ത്രശാലകളിലാവും ഏറ്റവും കൂടുതല്‍ തിരക്കുണ്ടാവുക. വിപണി പൂരത്തിരക്കിലാവുന്നതോടെ വ്യാപാരികള്‍ക്കും ഇന്ന് സന്തോഷത്തിന്‍റെ ദിവസമാണ്. ഓണത്തിരക്ക് നിയന്ത്രിക്കാന്‍ തലസ്ഥാനത്ത് ശക്തമായ പൊലീസ് സാന്നിധ്യമുണ്ടാകും.