കേരളം

kerala

ETV Bharat / state

കൗമാരക്കാരിയെ പീഡിപ്പിച്ച 16 കാരന്‍ ഉള്‍പ്പെടെ രണ്ട് പേര്‍ പിടിയില്‍; നാലുവര്‍ഷം മുന്‍പ് പീഡിപ്പിച്ച ബന്ധുവും അറസ്റ്റില്‍ - thiruvananthapuram Teenage Girl rape case

വ്യാഴാഴ്‌ച നടന്ന സംഭവത്തില്‍ വിശദമായി മൊഴി രേഖപ്പെടുത്തുന്നതിനിടെയാണ് കൗമാരക്കാരി മുന്‍പുണ്ടായ പീഡന വിവരം വെളിപ്പെടുത്തിയത്.

nedumangad Teenage Girl rape  nedumangad Teenage Girl rape 3 arrested  നെടുമങ്ങാടില്‍ എട്ടാം ക്ളാസുകാരിയെ തട്ടികൊണ്ടു പോയി പീഡിപ്പിച്ച സംഭവത്തില്‍ രണ്ട് പേര്‍ പിടിയില്‍  thiruvananthapuram Teenage Girl rape case  തിരുവനന്തപുരത്ത് പ്രായപൂര്‍ത്തിയാകാത്ത പെണ്‍കുട്ടിയെ തട്ടികൊണ്ട് പോയി പീഡിപ്പിച്ചു
കൗമാരക്കാരിയെ പീഡിപ്പിച്ച 16 കാരന്‍ ഉള്‍പ്പെടെ രണ്ട് പേര്‍ പിടിയില്‍; നാലുവര്‍ഷം മുന്‍പ് പീഡിപ്പിച്ച ബന്ധുവും അറസ്റ്റില്‍

By

Published : Jun 4, 2022, 12:29 PM IST

Updated : Jun 4, 2022, 3:17 PM IST

തിരുവനന്തപുരം:എട്ടാം ക്ളാസുകാരിയെ തട്ടിക്കൊണ്ടുപോയി പീഡിപ്പിച്ച സംഭവത്തില്‍ രണ്ടുപേര്‍ പിടിയില്‍. 16 കാരനും ഇയാളുടെ അമ്മയുടെ സുഹൃത്തായ സന്തോഷുമാണ് പൊലീസിന്‍റെ കസ്റ്റഡിയിലായത്. നെടുമങ്ങാടാണ് സംഭവം.

വനിത പൊലീസ് വിശദമായി മൊഴിയെടുക്കുന്നതിനിടെ നാലാം ക്ലാസില്‍ പഠിക്കുമ്പോള്‍ പീഡനത്തിനിരയായ വിവരവും പെണ്‍കുട്ടി വെളിപ്പെടുത്തി. ഇതില്‍, പ്രതിയായ കൗമാരക്കാരിയുടെ ബന്ധുവായ 50 കാരനും അറസ്റ്റിലായി. വ്യാഴാഴ്‌ചയാണ് എട്ടാം ക്ലാസുകാരിയെ 16 കാരനും മറ്റൊരു പ്രതിയായ സന്തോഷും തട്ടിക്കൊണ്ടുപോയി പീഡനത്തിനിരയാക്കിയത്.

പീഡന ശേഷം വഴിയില്‍ ഉപേക്ഷിച്ചു:വീട്ടില്‍ നിന്ന് സ്‌കൂളിലേക്ക് പോകാനിറങ്ങിയ കുട്ടിയെ സുഹൃത്തായ കൗമാരക്കാരന്‍ ഇയാളുടെ അമ്മയുടെ സുഹൃത്തായ സന്തോഷും ചേര്‍ന്ന് തട്ടിക്കൊണ്ടുപോകുകയായിരുന്നു. വാനില്‍ കയറ്റി ചുള്ളിയൂരിലെ സന്തോഷിന്‍റെ വീട്ടിലെത്തിച്ച് പീഡിപ്പിക്കുകയായിരുന്നു. സ്‌കൂളില്‍ വിടാമെന്ന് പറഞ്ഞാണ് കൗമാരക്കാരിയെ വാനില്‍ കയറ്റിക്കൊണ്ടുപോയത്.

16 കാരനാണ് പെണ്‍കുട്ടിയെ പീഡിപ്പിച്ചത്. സന്തോഷ് ഇതിന് ഒത്താശ ചെയ്യുകയായിരുന്നു. കൗമാരക്കാരിയെയും 16 കാരനെയും സന്തോഷ് മുറിയില്‍ പൂട്ടിയിട്ടു. പീഡനത്തിന് ശേഷം സന്തോഷ് തന്നെ ഇരുവരെയും വാനില്‍ കയറ്റി, അടുത്തുള്ള ജങ്‌ഷനില്‍ പെണ്‍കുട്ടിയെ ഉപേക്ഷിച്ച് കടന്നുകളഞ്ഞു.

കൗമാരക്കാരിയെ പീഡിപ്പിച്ച കേസിലെ പ്രതികള്‍ പിടിയില്‍

വിദ്യാര്‍ഥിനി സ്‌കൂളില്‍ എത്താത്തതിനെ തുടര്‍ന്ന് അധികൃതര്‍ രക്ഷിതാക്കളെ വിവരമറിയിച്ചു. ഇതേതുടര്‍ന്ന്, രക്ഷിതാക്കള്‍ പൊലീസില്‍ പരാതി നല്‍കി. ഉദ്യോഗസ്ഥര്‍ നടത്തിയ അന്വേഷണത്തിലാണ് പീഡന വിവരം പുറത്തായത്. വനിത പൊലീസ് വിശദമായി മൊഴി രേഖപ്പെടുത്തുന്നതിനിടെയാണ് നാലാം ക്ലാസില്‍ പഠിക്കുമ്പോഴുണ്ടായ പീഡന വിവരം കുട്ടി തുറന്നു പറഞ്ഞത്.

അടുത്ത ബന്ധുവായ 50 വയസുകാരനില്‍ നിന്ന് രണ്ട് തവണ പീഡനമുണ്ടായെന്ന് പെണ്‍കുട്ടി മൊഴി നല്‍കി. അറസ്റ്റിലായ 16 കാരനെ ജുവനൈല്‍ ഹോമിലാക്കി. മറ്റ് രണ്ടുപേരെ കോടതിയില്‍ ഹാജരാക്കി റിമാന്‍ഡ് ചെയ്‌തു.

Last Updated : Jun 4, 2022, 3:17 PM IST

For All Latest Updates

ABOUT THE AUTHOR

...view details