എറണാകുളം: പുരാവസ്‌തു തട്ടിപ്പ് കേസിലെ പ്രതി മോൻസൺ മാവുങ്കൽ സൂക്ഷിച്ചിരുന്ന തിമിംഗലത്തിന്‍റെ അസ്ഥിയെന്ന് സംശയിക്കുന്ന വസ്‌തു വനംവകുപ്പ് പിടിച്ചെടുത്തു. മോന്‍സന്‍റെ സുഹൃത്തിന്‍റെ വാ‍ഴക്കാലയിലെ വീട്ടില്‍ നിന്നാണ് ഇത് പിടിച്ചെടുത്തത്. എട്ടടിയോളം നീളമുള്ള അസ്ഥി സുഹൃത്തിന്‍റെ വീട്ടിലെ കാർപോർച്ചിലായിരുന്നു സൂക്ഷിച്ചിരുന്നത്.
മോൻസന്‍റെ പക്കൽ തിമിംഗലത്തിന്‍റെ അസ്ഥിയും; എട്ടടിയോളം നീളമുള്ള അസ്ഥി വനംവകുപ്പ് പിടിച്ചെടുത്തു
ക്രൈംബ്രാഞ്ച് അന്വേഷണമാരംഭിച്ചതിനെ തുടർന്ന് കലൂരിലെ മോൻസന്‍റെ വീട്ടിൽ നിന്നും സുഹൃത്തിന്‍റെ വീട്ടിലേക്ക് അസ്ഥികൾ മാറ്റുകയായിരുന്നു. ക്രൈംബ്രാഞ്ച് നൽകിയ വിവരത്തെ തുടർന്നാണ് വനം വകുപ്പ് പരിശോധന നടത്തിയത്.
ഇത് തിമിംഗലത്തിന്‍റെ അസ്ഥി തന്നെയാണോയെന്നറിയാൻ ശാസ്ത്രീയ പരിശോധനക്കയക്കുമെന്ന് വനംവകുപ്പ് അറിയിച്ചു. പരിശോധനയില്‍ തിമിംഗലത്തിന്‍റെ അസ്ഥിയാണെന്ന് വ്യക്തമായാല്‍ കേസെടുക്കുമെന്നും വനംവകുപ്പ് അറിയിച്ചു.