തിരുവനന്തപുരം: യുഡിഎഫ് എംഎൽഎമാരും എംപിമാരും വാളയാറിൽകൊവിഡ് ജാഗ്രത ലംഘിച്ച് സമരം ചെയ്ത സംഭവത്തിൽ രൂക്ഷ വിമർശനവുമായി മന്ത്രി ഇ പി ജയരാജൻ. ഏറ്റവും ഫലപ്രദമായ രീതിയിൽ സംസ്ഥാനം പ്രതിരോധ പ്രവർത്തനങ്ങൾ നടത്തുമ്പോൾ അത് തടയാൻ ശ്രമിക്കരുത്. എംപിയും എംഎൽഎയും ആയതുകൊണ്ട് രോഗം വരാതിരിക്കില്ല. നിലവിലെ പരിശോധനാരീതികളും ആരോഗ്യ വകുപ്പിൻ്റെ നിർദേശങ്ങളും ജനപ്രതിനിധികൾ അടക്കം എല്ലാവരും പാലിക്കുകയാണ് വേണ്ടത്. മറ്റു സംസ്ഥാനങ്ങളിൽ നിന്നുള്ള മലയാളികളെ ശരിയായ സംവിധാനത്തിലൂടെ എത്തിച്ചുവരികയാണെന്നും ജനങ്ങളെ ഇളക്കി വിടരുതെന്നും ഇപി ജയരാജൻ പറഞ്ഞു.
കൊവിഡ് ജാഗ്രത ലംഘിച്ച എംഎൽഎമാർക്കും എംപിമാർക്കുമെതിരെ രൂക്ഷ വിമർശനവുമായി മന്ത്രി ഇ പി ജയരാജൻ